CarL's 淘寶網代購服務劵: Fashion & TraVeL

吳師傅(呀SO)帶我地先去旺角砵蘭街睇潔具, 龍頭, 因為廁所窄, 所以馬桶, 面盤及浴屏都要慎選, 現在尚有時間, 可以再深考慮一點

大門分別去了三木, 浩華, 和富以及兩間更平既木業, 平果兩間真係可以好平, 但d款就真係有d嚇人, 十足係我婆年代既款色, 如果極tight既bugdet下真係可以考慮呢d木業. 三間之中, 最喜歡三木同和富, 不過價錢也是最貴, 款式顏色太多選擇, 一時間拿不下決定, 要再找一天自己出來看看才行

我個人比較喜歡左邊第一款, 薰衣草色大門, $3200 中等價錢....^^

師父建議房門以簡潔為主, 選擇了V陷直紋花, 全部用實心材料

廁所地磚係淺灰色, 所以廁所地下條陣就揀左呢隻, 本來還在想, 面盤檯面做麻石還是做corian, 不過廁所會裂會色水既情況應該很少, 想慳一點, 決定用麻石. 看了好幾款, 選定這隻花紋, 不像一般的一點點閃閃的檯面石, 淺淺地感覺舒服

廁所做趟門, 師傅建議我們用右手邊正方型的鎖, 向上向右look, 細細個美觀d易開d, 不過哲爸手指粗, 用落覺得唔係太就手, 最後決定用返傳統上下啪既門鎖,門把手真係花多眼亂, 有d喜歡既又略嫌貴左d, 有d又擔心太尖怕小朋友屋企有意外, 安全起見, 都係揀返d個樣鈍鈍地角位圓滑d既設計, 咁細佬同哲哲唔小心撞到時都無咁傷

用料一點都不能馬虎, 採用奇勝e2000 制面

蘇老闆介紹返大陸買木紋磚平香港一平, 有深圳MTR田貝四路 出口一出就係, 唔洗人帶路只去一間鋪，唔再去其他格價啦！

 

只係一間鋪，都數唔出有幾多磚了。

老闆仲好好招呼，有靚茶飲慢慢揀（唔記得影Ｄ茶添）

上黎之前已經參考咗好多設計，地磚淺色為主，廁所就灰灰地色。

 

 不過廁所全部揀300x600mm, 唔要細條

 

地磚淺色為主，但又唔想拋光，考慮過木紋磚，又聽聞Ｄ磚會唔直，而且磚同磚之間中間多罅隙難打理。所以揀左呢隻600x600mm

 廚房本身想呢種白色有D 紋路既

本身希望揀既廚房磚

 不過最終見到下面嗰幅。。。就轉咗呢隻。。。。特別少少，應該比較少見，希望會靚吧！

最終選擇－廚房

雖然有哂慨念去揀，都用咗成兩個鐘～～
 之後你仲可以去埋上一層，揀燈、龍頭等等, 乜都有!!!
 

 

希望幫到大家~~!!